បុរសម្នាក់ ចង់ឲ្យប្រពន្ធអាណិត ទៅចងក សម្លាប់ខ្លួន លើដើមឈើ

ពុធ ២៤ មេសា, ២០១៣ ម៉ោង ១៣:១៩ /rain

ភ្នំពេញ : ហេតុការណ៍ ដែលគួរឲ្យអស់សំណើចមួយ និងធ្វើឲ្យមានការភ្ញាក់ផ្អើល ដល់ប្រជាពលរដ្ឋ ខណៈបុរសម្នាក់វ័យជាង ៦០ ឆ្នាំ យកក្រមាទៅ ចងក សម្លាប់ខ្លួននឹងដើមឈើក្បែរផ្ទះ ក្នុងបំណងឲ្យប្រពន្ធ មានចិត្តអាណិតអាសូរ ដល់ខ្លួន ចំពោះសកម្មភាពការងាររាល់ថ្ងៃ ប៉ុន្តែសំណាងល្អ ដែល បានប្រជាពលរដ្ឋ ជួយសង្គ្រោះទាន់ពេលវេលា ។

ហេតុការណ៍នេះ បានកើតឡើង កាលពីវេលាម៉ោង ២២ និង ៣០នាទីយប់ ថ្ងៃទី២៣ ខែមេសា ឆ្នាំ២០១៣ នៅចំណុចលើដើមឈើ ផ្លូវបឹងតាម៉ាត ភូមិ ម័រ សង្កាត់ដង្កោ ខណ្ឌដង្កោ ។ សមត្ថកិច្ចមូលដ្ឋាន បានឲ្យដឹងថា បុរសខាងលើមានឈ្មោះ ចិន វិត អាយុ ៦២ឆ្នាំ ស្នាក់នៅជិតចំណុចកើតហេតុ មាន មុខរបរជាអ្នកប៉ះកង់ ។

សាក្សីដែលរស់នៅជិតផ្ទះ បុរសរងគ្រោះ បានឲ្យដឹងថា មូលហេតុដែលបុរសម្នាក់នេះ សម្រេចចិត្តចងកសម្លាប់ខ្លួន ដោយសារមានការតូចចិត្ត នឹង ប្រពន្ធស្តីបន្ទោស ហើយប្រហែលជាបុរសរូបនេះ ចង់ឲ្យប្រពន្ធគិត ដឹងពីគុណសម្បត្តិរបស់ខ្លួន ដែលខិតខំប្រឹងប្រែងធ្វើកន្លងមក ជាពិសេស បុរសនេះ ពេលធ្វើសកម្មភាពចងក គឺរូបគេស្ថិតក្នុងស្ថានភាពស្រវឹង ។

សមត្ថកិច្ចបានសន្និដ្ឋានថា ការធ្វើសកម្មភាពចងក ខាងលើហាក់បីដូចជា ការចង់សើចរបស់ឈ្មោះ ចិន វិត ជាមួយក្រុមគ្រួសារគេ ព្រោះដោយសារ តាមការសាកសួររបស់សមត្ថកិច្ច ជនរងគ្រោះឆ្លើយម្តងថាអញ្ចេះ ម្តងថាអញ្ចោះ មិនពិត នឹងមិនសម ចំពោះការចងក ធ្វើអត្តឃាតនោះទេ។

សមត្ថកិច្ចក៏បានអំពាវនាវ ដល់បងប្អូនផ្សេង សូមមេត្តាកុំយកតម្រាប់តាម បុរសម្នាក់នេះឲ្យសោះ ដោយសារទង្វើនេះធ្វើឲ្យមនុស្សជាច្រើន មានការភ័យខ្លាច និងព្រួយបារម្ភ ។ គួរបញ្ជាក់ថា បុរសខាងលើនេះ ពេលសមត្ថកិច្ចទៅសួរ គេឆ្លើយថា ខ្ញុំធ្វើលេងទេ ៕


ដោយដើមអម្ពិល

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s