ត្រឡប់​មក​ពី​ទិញ​ទុរេន​ចោរ​ឆក់ខ្សែ​ក​មិន​បាន​សម្រេច​ តែ​ដួល​ម៉ូតូ​របួស​ធ្ងន់​ស្រាល​៣​នាក់​

សៅរ៍ ២០ មេសា, ២០១៣ ម៉ោង ១៨:៤៧

រាជធានីភ្នំពេញ ៖ ស្ត្រី៣នាក់ខណៈកំពុងជិះម៉ូតូ ត្រឡប់មកពីទិញផ្លែទុរេនវិញ បានត្រូវចោរម្នាក់ជិះម៉ូតូមកក្បែរ ហើយធ្វើសកម្មភាពឆក់ខ្សែក ប្លាទីនពីអ្នកជិះខាងក្រោយបណ្តាលឱ្យ ដួលម៉ូតូតែឆក់មិនបានសម្រេចទេ ។ ទោះជាយ៉ាងណា ស្ត្រីជាអ្នកបើកម៉ូតូបានដួល បោកក្បាលរបួសធ្ងន់រហូតសន្លប់ ឯ២នាក់ដែលជិះពីក្រោយ ដួលរយះដៃជើងរបួសស្រាល ចំណែកចោរឆក់ខ្សែកនោះបានជិះម៉ូតូគេចខ្លួនបាត់ ។ ហេតុការណ៍នេះកើតឡើង កាលពីវេលាម៉ោង៨ និង១៥នាទីយប់ថ្ងៃទី១៨ មេសា នៅខាងកើតរង្វង់មូលវត្តភ្នំ ក្នុងសង្កាត់វត្តភ្នំជាប់ព្រំប្រទល់សង្កាត់ស្រះចក ខណ្ឌដូនពេញ ។

បើតាមការអះអាងរបស់ស្ត្រីដែលរបួសស្រាល តែសូមមិនបញ្ចេញឈ្មោះឱ្យដឹងថា មុនពេលកើតហេតុពួកគេទាំង៣នាក់ជិះម៉ូតូស្គូពី ស៊េរី២០១៣ ពណ៌ក្រហមលាយស ត្រឡប់មកពីទិញទុរេននៅផ្សារកណ្តាលក្នុងគោលដៅត្រឡប់ទៅផ្ទះវិញ ដោយជិះព័ទ្ធតាមរង្វង់មូលវត្តភ្នំក្នុងទិសដៅពីត្បូងទៅជើង ។ ខណៈមកដល់ចំណុចខាងលើ ស្រាប់តែតែមានចោរម្នាក់ជិះម៉ូតូសេ១២៥ ពណ៌ខ្មៅមកអែបក្បែររួចឆក់ខ្សែកប្លាទីនពីអ្នកអង្គុយខាងក្រោយ បណ្តាលឱ្យដួលម៉ូតូ តែឆក់មិនបានសម្រេចទេ ។

ក្រោយពេលកើតហេតុ ស្ត្រីដែលរងរបួសធ្ងន់ត្រូវបានរថយន្តសង្គ្រោះដឹកយកទៅព្យាបាលនៅ មន្ទីរពេទ្យកាល់ម៉ែត ចំណែកស្ត្រីជាម្ចាស់ខ្សែកដែលរបួសស្រាលមិនបានដាក់ពាក្យបណ្តឹង ទេ ដោយអះអាងថាគាត់មិនបានចាំស្លាកលេខម៉ូតូ ហើយម្យ៉ាងទៀតខ្សែករបស់គាត់ក៏មិនបានបាត់បង់ដែរ ។ ការពាក់គ្រឿងអលង្ការ ហើយធ្វើដំណើរតាមម៉ូតូតែងប្រឈមនឹងចោរឆក់ជារឿយៗ ។ បញ្ហានេះតែងកើតមានស្ទើររៀងរាល់ថ្ងៃ ពិសេសអ្នកស្ពាយកាបូបក៏ត្រូវតែប្រុងប្រយ័ត្នដែរ ព្រោះបង្កឱ្យមានគ្រោះថ្នាក់ជាយថាហេតុ ៕

បញ្ចូលអត្ថបទ ៖ ស្រីណា កោះ

ផ្តល់សិទ្ធដោយ កោះសន្តិភាព

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s